Aarti Kunj Bihari Ki

आरती कुंजबिहारीकी। श्रीगिरधर कृष्नमुरारीकी॥āratī kuṃjabihārīkī| śrīgiradhar kṛṣnamurārīkī||

गलेमें बैजंतीमाला, बजावै मुरलि मधुर बाला।galemeṃ baijaṃtīmālā, bajāvai murali madhur bālā|श्रवनमें कुण्डल झलकाला, नंदके आनँद नँदलाला॥ श्रीगिरधर कृष्नमुरारीकी॥śravanameṃ kuṇḍal jhalakālā, naṃdake ānam̐d nam̐dalālā|| śrīgiradhar kṛṣnamurārīkī||

गगन सम अंग कांति काली, राधिका चमक रही आली,gagan sam aṃg kāṃti kālī, rādhikā camak rahī ālī,लतनमें ठाढ़े बनमाली,latanameṃ ṭhār̤he banamālī,भ्रमर-सी अलक, कस्तूरी-तिलक, चंद्र-सी झलक,bhramar-sī alak, kastūrī-tilak, caṃdra-sī jhalak,ललित छबि स्यामा प्यारीकी। श्रीगिरधर कृष्नमुरारीकी॥lalit chabi syāmā pyārīkī| śrīgiradhar kṛṣnamurārīkī||

कनकमय मोर-मुकुट बिलसै, देवता दरसनकों तरसै,kanakamay mor-mukuṭ bilasai, devatā darasanakoṃ tarasai,गगन सों सुमन रासि बरसै,gagan soṃ suman rāsi barasai,बजे मुरचंग, मधुर मिरदंग, ग्वालिनी संग,baje muracaṃg, madhur miradaṃg, gvālinī saṃg,अतुल रति गोपकुमारीकी। श्रीगिरधर कृष्नमुरारीकी॥atul rati gopakumārīkī| śrīgiradhar kṛṣnamurārīkī||

जहाँ ते प्रगट भई गंगा, सकल-मल-हारिणि श्रीगंगा,jahām̐ te pragaṭ bhaī gaṃgā, sakal-mal-hāriṇi śrīgaṃgā,स्मरन ते होत मोह-भंगा,smaran te hot moh-bhaṃgā,बसी सिव सीस, जटाके बीच, हरै अघ कीच,basī siv sīs, jaṭāke bīc, harai agh kīc,चरन छबि श्रीबनवारीकी। श्रीगिरधर कृष्नमुरारीकी॥caran chabi śrībanavārīkī| śrīgiradhar kṛṣnamurārīkī||

चमकती उज्ज्वल तट रेनू, बज रही बृन्दाबन बेनू,camakatī ujjval taṭ renū, baj rahī bṛndāban benū,चहूँ दिसि गोपि ग्वाल धेनू,cahūm̐ disi gopi gvāl dhenū,हँसत मृदु मंद, चाँदनी चंद, कटत भव-फंद,ham̐sat mṛdu maṃd, cām̐danī caṃd, kaṭat bhav-phaṃd,टेर सुनु दीन दुखारीकी। श्रीगिरधर कृष्नमुरारीकी॥ṭer sunu dīn dukhārīkī| śrīgiradhar kṛṣnamurārīkī||आरती कुंजबिहारीकी। श्रीगिरधर कृष्नमुरारीकी॥āratī kuṃjabihārīkī| śrīgiradhar kṛṣnamurārīkī||