॥ १ ॥athātaḥ saptalāśaṅkhinīkalpaṃ vyākhyāsyāmaḥ|| 1 ||
Chapter 11
सप्तलाशाङ्खिनीकल्पोऽध्यायः
The English translation of this text is being prepared. For now, the original is shown with its transliteration. Read it with its Hindi translation
In this chapter (the chapter's own summary, verses 18-19)
तत्र श्लोकौ-कषाया दश षट् तैलेऽष्टौ च सर्पिषि।पञ्च मद्ये त्रयो लेहा योगः कम्पिल्लके तथा॥
verse 18 →सप्तलाशङ्खिनीभ्यां ते त्रिंशदुक्ता नवाधिकाः।योगाः सिद्धाः समस्ताभ्यामेकशोऽपि च ते हिताः॥
verse 19 →Tap any word of the original to see its meaning.
॥ २ ॥iti ha smāha bhagavānātreyaḥ|| 2 ||
।saptalā carmasāhvā ca bahuphenarasā ca sā| ॥ ३ ॥śaṅkhinī tiktalā caiva yavatiktā'kṣi(kṣa)pīḍakaḥ|| 3 ||
।te gulmarahṛdrogakuṣṭhaśophodarādiṣu| ॥ ४ ॥vikāsitīkṣṇarūkṣatvādyojye śleṣmādhikeṣu tu|| 4 ||
।nātiśuṣkaṃ phalaṃ grāhyaṃ śaṅkhinyā nistuṣīkṛtam| ॥ ५ ॥saptalāyāśca mūlāni gṛhītvā bhājane kṣipet|| 5 ||
।akṣamātraṃ tayoḥ piṇḍaṃ prasannālavaṇāyutam| ॥ ६ ॥hṛdroge kaphavātotthe gulme caiva prayojayet|| 6 ||
।priyālapīlukarkandhukolāmrātakadāḍimaiḥ|॥ ७ ॥drākṣāpanasakharjūrabadarāmlaparūṣakaiḥ|| 7 ||
।maireye dadhimaṇḍe'mle sauvīrakatuṣodake| ॥ ८ ॥sīdhau cāpyeṣa kalpaḥ syāt sukhaṃ śīghravirecanaḥ|| 8 ||
।tailaṃ vidārigandhādyaiḥ payasi kvathite pacet| ॥ ९ ॥saptalāśaṅkhinīkalke trivṛcchyāmārdhamāgike|| 9 ||
।dadhimaṇḍena sannīya siddhaṃ tat pāyayeta ca| ॥ १० ॥śaṅkhinīcūrṇabhāgau dvau tilacūrṇasya cāparaḥ|| 10 ||
।harītakīkaṣāyeṇa tailaṃ tatpīḍitaṃ pibet| ॥ ११ ॥atasīsarṣapairaṇḍakarañjeṣveṣa saṃvidhiḥ|| 11 ||
।śaṅkhinīsaptalāsiddhāt kṣīrādyadudiyādghṛtam| ॥ १२ ॥kalkabhāge tayoreva trivṛcchyāmārdhasaṃyute|| 12 ||
।kṣīreṇāloḍya saṃpakvaṃ pibettacca virecanam| ॥ १३ ॥dantīdravantyoḥ kalpo'yamajaśṛṅgyajagandhayoḥ|| 13 ||
।kṣīriṇyā nīlikāyāśca tathaiva ca karañjayoḥ| ॥ १४ ॥masūravidalāyāśca pratyakparṇyāstathaiva ca|| 14 ||
।dvivargārdhāṃśakalkena tadvat sādhyaṃ ghṛtaṃ punaḥ| ॥ १५ ॥śaṅkhinīsaptalādhātrīkaṣāye sādhayedghṛtam|| 15 ||
।trivṛtkalpena sarpiśca trayo lehāśca lodhravat| ॥ १६ ॥surākampillayoryogaḥ kāryo lodhravadeva ca|| 16 ||
।dantīdravantyoḥ kalpena sauvīrakatuṣodake| ॥ १७ ॥ajagandhājaśṛṅgyośca tadvat syātāṃ virecane|| 17 ||
-tatra ślokau- ।kaṣāyā daśa ṣaṭ taile'ṣṭau ca sarpiṣi| ॥ १८ ॥pañca madye trayo lehā yogaḥ kampillake tathā|| 18 ||
।saptalāśaṅkhinībhyāṃ te triṃśaduktā navādhikāḥ| ॥ १९ ॥yogāḥ siddhāḥ samastābhyāmekaśo'pi ca te hitāḥ|| 19 ||
॥॥ityagniveśakṛte tantre carakapratisaṃskṛte'prāpte dṛḍhabalasaṃpūrite kalpasthāne saptalāśāṅkhinīkalpo nāmaikādaśo'dhyāyaḥ||11||